ਕਰਜ਼ੇ ਤੋਂ ਤੰਗ ਆ ਕੇ ਕੀਤੀ ਆਤਮ ਹੱਤਿਆ

ਘੁਮਾਣ, 10 ਮਈ (ਬਾਵਾ) ਘੁਮਾਣ ਵਿੱਚ ਸੁਨਿਆਰੇ ਦਾ ਕੰਮ ਕਰਦੇ ਵਿਜੇ ਕੁਮਾਰ ਸਪੁੱਤਰ ਕੇਵਲ ਕ੍ਰਿਸ਼ਨ ਨੇ ਜਹਿਰੀਲੀ ਦਵਾਈ ਖਾ ਕੇ ਆਤਮ ਹੱਤਿਆ ਕਰ ਲਈ। ਪਿਛੇ ਪਰਿਵਾਰ ਵਿੱਚ ਉਸ ਦੀ ਪਤਨੀ ਤੇ ਦੋ ਧੀਆਂ ਹਨ। ਜਿਨ੍ਹਾਂ ਦਾ ਉਹ ਹੀ ਆਸਰਾ ਸੀ। ਪਰਿਵਾਰ ਵੱਲੋਂ ਦਿੱਤੀ ਜਾਣਕਾਰੀ ਮੁਤਾਬਿਕ ਮ੍ਰਿਤਕ ਨੇ ਕੁੱਝ ਵਿਅਕਤੀਆਂ ਦਾ ਕਰਜਾ ਦੇਣਾ ਸੀ। ਕਾਫ਼ੀ ਰਕਮ ਦੇ ਚੁੱਕਣ ਦੇ ਬਾਅਦ ਵੀ ਉਹ ਕਰਜ਼ੇ ਦੇ ਹੇਠੋਂ ਨਿਕਲਣ ਨਹੀਂ ਦੇ ਰਹੇ ਸਨ ਤੇ ਗੱਡੀ ਤੇ ਘਰ ਦੇ ਕੁੱਝ ਹਿੱਸੇ ਤੇ ਵੀ ਕਬਜਾ ਕਰ ਲਿਆ ਸੀ। ਉਨ੍ਹਾਂ ਵੱਲੋਂ ਦਿੱਤੀਆਂ ਜਾ ਰਹੀਆਂ ਧਮਕੀਆਂ ਤੋਂ ਤੰਗ ਪਰੇਸਾਨ ਕਰਨ ਤੋਂ ਦੁੱਖੀ ਹੋ ਕੇ ਵਿਜੇ ਕੁਮਾਰ ਨੇ ਅੱਜ ਸਵੇਰੇ ਜਹਿਰੀਲੀ ਦਵਾਈ ਖਾ ਕੇ ਆਤਮ ਹੱਤਿਆ ਕਰ ਲਈ। ਪਰਿਵਾਰ ਵੱਲੋਂ ਪ੍ਰਸਾਸਨ ਤੋਂ ਇਨਸਾਫ਼ ਦੀ ਮੰਗ ਕੀਤੀ ਗਈ ਹੈ।